Гўзал ва бетакрор Навоий шаҳримизда қурилиш-бунёдкорлик ишлари айни авж паллага кирган. Хусусан, бир-биридан кўркам бинолар, ажойиб иншоотлар, равон кўчалар фикримизнинг амалий ифодасидир.

Навоий шаҳрининг "Бинокор” маҳалласи ҳудудидаги Булат кўчаси (НДПИ бош биносидан бошлаб)да яқинда янгидан бунёд этилган равон йўл ҳам бугунги бунёдкорлик ишларимизнинг яна бир ёрқин далили бўлди.

Навоий йўллардан мунтазам фойдаланиш унитар корхонаси пудратчилигида 1 миллиард 100 миллион сўмга 700 метр масофада ётқизилган асфалть қопламаси мазкур кўча ҳуснига янада ҳусн қўшди.

Эни 14 метр бўлган ушбу йўлда машиналар қатнови учун ҳам қулай шароит яратилди. 160 метр жойга янги автотураргоҳ ташкил этилди. Айни пайтда йўл белгиларини янгилаш, пиёдалар йўлакчасини таъмирлаш ишлари жадаллик билан олиб борилмоқда.

Навоий шаҳар ҳокимлиги Ахборот хизмати:@Navoiy_shahar_axborot_xizmat