Ижтимоий тармоқларда Навоий шаҳрининг "Ёшлик” кўчасидаги янги қурилган кўп қаватли турар-жой биноларининг олдидан ўтган йўлни асфальтлаш масаласи билан боғлиқ фуқаролар мурожаати тарқалди.

Мазкур мурожаатда йўлнинг чанг-тўзони хонадонлар ичкарисига кираётгани боис, ушбу йўлни асфальт қилишда ёрдам сўралган.  

Ушбу ҳолат тегишли мутасаддилар томонидан ўрганиб чиқилди.

 Ўрганишлар шуни кўрсатдики, мазкур кўп қаватли уйлар янги қурилган бўлиб, уларнинг орқа томонидаги майдонда ҳам турар-жой бинолари қуриш ишлари олиб борилмоқда.

Тегишли соҳа мутасаддиларининг фикрига кўра ушбу йўлдан янги кўп қаватли бинолар қурилиш ишлари учун зарур бўлган маҳсулот ортилган юк машиналари қатнови амалга оширилмоқда. Бу эса ўз-ўзидан янги ётқизилган ҳар қандай асфальтнинг тезда бузилишига олиб келади. Шу боис, соҳа вакиллари томонидан бино атрофидаги қурилиш ишлари якунлангач, мазкур йўлда ўрнатилган тартибда асфальтлаш ишлари амалга оширилиши маълум қилинди.

Навоий шаҳар ҳокимлиги Ахборот хизмати:@Navoiy_shahar_axborot_xizmat