Яқинда ижтимоий тармоқларда Навоий шаҳар Навоий кўчаси 49/б уйда жойлашган ётоқхонада вақтинча яшовчи Озода Худойқулова томонидан ётоқхона ажратиш масаласида амалий ёрдам сўраб мурожаат этилган.

Мазкур мурожаат Навоий шаҳар ҳокимлиги томонидан атрофлича ўрганиб чиқилган ҳамда фуқаро ётоқхона олиш бўйича навбатга қўйилган.

2019 йилда О.Ҳудойқулова ва унинг турмуш ўртоғи У. Раҳматовлар Навоий шаҳар ҳокимлигига ариза билан мурожаат қилиб, ётоқхонадан алоҳида хона ажратишни сўраган. Шаҳар ҳокимлиги ҳузуридаги ётоқхоналардан фойдаланиш масалаларини кўриб чиқувчи комиссиянинг 2019 йил 6 мартдаги қарорига асосан уларга навбат асосида хона ажратилиши белгиланиб, Навоий шаҳар ҳокимлиги уй-жой ва ётоқхоналардан фойдаланиш бошқармасида навбат асосида хона олувчилар рўйхатига киритилган. Ҳозирги кунда Озода Худойқулова оиласи хона олувчилар рўйхатининг 428-навбатида турганлигини маълум қиламиз.

Навоий шаҳри ҳудуди бўйича ижтимоий тармоқларга тарқатилаётган ҳар бир мурожаат шаҳар ҳокимлигининг алоҳида назоратида.

Навоий шаҳар ҳокимлиги Ахборот хизмати:@Navoiy_shahar_axborot_xizmat