Айни кунларда жонажон Ўзбекистонимизда истиқомат қилувчи миллатидан қатъий назар барчанинг қалбида ҳаяжон, кўзларида қувонч, бугунги кунга шукроналар туйғуси жўш урмоқда.
         Бугун юртимизнинг қайси бир гўшасига қараманг, ободлик, байрам кайфиятини кўрамиз. Шаҳар-у, қишлоқларимизнинг ҳусни, таровати ўзгача. Мустақиллигимизнинг 23 йиллиги арафасида олиб борилган бунёдкорлик ишлари натижасида замонавий турар жой бинолари қад кўтариб, кўплаб ижтимоий объектлар қурилиб, фойдаланишга топширилмоқда.
          Республикамизнинг барча таълим муассасаларида бўлгани каби мен раҳбарлик қилаётган билим даргоҳида ҳам янги ўқув йилига тайёргарлик қизғин олиб борилмоқда.
          Жорий йилда мактабимизни 151 нафар 9-синф ўқувчиси битирди. Битирувчиларнинг барчаси таълимнинг кейинги босқичига тўлиқ қамраб  олинди. Ўқув жараёнида Ўзбекистон Республикасининг ”Таълим тўғрисида”ги қонуни,”Кадрлар тайёрлаш” миллий дастури ижроси мактабимизда тўлиқ таъминланмоқда.
           Янги 2014 – 2015 ўқув йилида 1-синфга 175 нафар ўқувчини қабул қилиниши кутилмоқда.1 синф ўқувчилари учун Президентимиз томонидан бериладиган совғалар  100 фоиз  тайёрлаб қуйилди. Синф жоналари тўлиқ  жорий таъмирланиб, спорт заллар барча спорт жиҳозлари билан таъминланди.
           Ҳар бир жабҳада эришилаётган муваффақиятларимизнинг асосини мустақиллигимиз туфайли яратилган имкониятлар ташкил этади.Бундан қанча ғурурланиб, фахрлансак арзийди. Ким бўлишимиздан қатъий назар ҳар биримиз ўқишда бўладими, меҳнатда бўладими, спорт ёки бошқа соҳада бўладими, ўзимизнинг меҳнатимиз билан мустақиллигимизни мустаҳкамлашга ҳисса қўшайлик.
Барчамизга абадий мустақиллик байрами муборак  бўлсин. Хонадонларингизга тинчлик, хотиржамлик тилаб, юртимизга кўз тегмасин, дейман.
 
           "Ягонасан, муқаддас Ватаним,севги ва садоқатим сенга бахшида,гўзал Ўзбекистоним!”