МАҲАЛЛАДА АЁЛЛАР САЛОҲИЯТИ КАТТА КУЧ

03-12-2021 08:46 Tadbirlar, uchrashuvlar, Majlislar, Yangiliklar, Maqolalar

Маҳаллада аёллар салоҳияти катта куч.

Навоий шаҳар фуқаролар йиғинлари раисларининг оила, хотин-қизлар ва ижтимоий-маънавий масалалар бўйича ўринбосарлари ҳамда оила ва хотин-қизлар масалалари бўйича мутахассислари учун ўқув семинари бўлиб ўтди. Маҳалла ва оилани қўллаб-қувватлаш вазирлиги томонидан ташкил этилган иккинчи босқич ўқув семинарида маҳаллалардаги хотин-қизларнинг оилада ва маҳалладаги ролини кучайтириш, ижтимоий-сиёсий фаоллигини ошириш, маънавиятини юксалтириш, оилавий қадриятларни мустаҳкамлаш борасида амалга оширилиши лозим бўлган вазифаларга эътибор қаратилди.

Ишсиз ва ижтимоий фаол бўлмаган хотин-қизлар билан якка тартибда иш олиб бориш, уларнинг бандлигини таъминлаш, оилавий ва хусусий тадбиркорликка, ҳунармандчиликка кенг жалб этиш, ёрдамга муҳтож бўлган ва оғир ижтимоий вазиятга тушиб қолган хотин-қизларни манзилли қўллаб-қувватлаш ишларини амалга ошириш механизмлари семинар иштирокчиларига батафсил тушунтирилди.

Иштирокчилар ўзларининг иш фаолияти билан боғлиқ саволларига мутахассиларнинг атрофлича жавобларидан билиб олишди.

Навоий шаҳар ҳокимлиги ахборот хизмати