Жорий йилнинг 4 сентябрь куни шаҳар ҳокимлигида навбатдаги "Ҳоким соати” йиғилиши бўлиб ўтди.
"Ҳоким соати” кун тартибидан: "Шаҳардаги сайлов округлари ва участкаларини жорий йилнинг декабрь ойида Ўзбекистон Республикаси Олий Мажлиси,  халқ депутатлари вилоят ва шаҳар Кенгашларига бўладиган сайловларга тайёрлаш мақсадида амалга ошириладиган ишлар ҳақида”ги, "Шаҳарда 2014/2015 йилларда иқтисодиёт тармоқларда кўп қаватли уй-жой фонди ва ижтимоий соҳа объектларини куз-қиш мавсумига барқарор тайёрлашни таъминлаш бўйича амалга оширилаётган ташкилий чора-тадбирлар тўғрисида”ги ва Ўзбекистон Республикаси Вазирлар Маҳкамасининг 2013 йил 25 ноябрдаги "Тадбиркорлик субъектларини интернет тармоғи орқали Давлат рўйхатидан ўтказиш механизмини жорий этиш чора-тадбирлари тўғрисида”ги 312-сонли қарорининг шаҳардаги ижроси” бўйича амалга оширилган ишлар ҳисоботи ҳақидаги масалалар ўрин олди.
Шаҳарда сайловга тайёргарлик кўришда асосий вазифалар нималардан иборат эканлиги хусусида шаҳар сайлов комиссияси раиси Ш.Халилов, вилоят сайлов комиссияси раиси Ш.Жўраев, шаҳар ҳокими Н.Ахатовлар йиғилиш иштирокчиларига батафсил ахборот бердилар.
Кун тартибидаги 2014/2015 йилларда иқтисодиёт тармоқларда кўп қаватли уй-жой фонди ва ижтимоий соҳа объектларини куз-қиш мавсумига барқарор тайёрлашни таъминлаш бўйича амалга оширилаётган ишлар маъсуллар иштирокида сарҳисоб қилиниб, бажарилиши лозим бўлган вазифалар белгилаб олинди.
Шунингдек, Ўзбекистон Савдо саноат палатаси Навоий шаҳар "Бизнес маркази” раҳбари Ш.Исмоиловнинг Ўзбекистон Республикаси Вазирлар Маҳкамасининг 2013 йил 25 ноябрдаги 312-сонли қарорини ижросини таъминлаш борасида олиб бораётган ишлари юзасидан ахбороти тингланиб, "ҳоким соати” томонидан мазкур қарорни бажариш борасида олиб борилаётган ишлар суст бажарилаётгани қайд этилди. 
Кун тартибидаги масалалар юзасидан тегишли қарорлар қабул қилинди.