Навоий шаҳридаги “Зарафшон” маҳала фуқаролар йиғини ҳамда шаҳардаги “Ветеран”фахрийлар маркази ҳамкорлигида ўтказилган тадбирда уруш ва меҳнат фахрийлари ва бир гуруҳ фаол ёшлар иштирок этди.

Маълумки, соғлом турмуш тарзи-миллий хусусиятларимизнинг асосини ташкил этади. Миллий ва маънавий қадриятлар, урф-одатлар, анъаналар, ёшларни ёт ғоялар таъсиридан асраш, ғарб мафкурасининг туб моҳиятини тўғри тушунтириш, сезгирлик, уйғоқлик тамойиллари бугун алоҳида аҳамият касб этади. Тадбирда сўзга чиққанлар – “Ветеран” фахрийлар маркази Эътибор Зоҳидова, шаҳар Кенгаши депутати Рустам Арзиев Ватанни асраш, юртга садоқат, меҳр-оқибат каби туйғуларнинг улуғлиги, шарқона қадриятларнинг ўлмаслиги, Ватан олдидаги бурч инсон учун муқаддас эканлиги тўғрисидаги қимматли мулоҳазаларни билдирдилар.