Ijtimoiy tarmoqlarning birida Navoiy shahridagi "Yangi hayot” savdo majmuasi va markaziy dehqon bozori o‘rtasidagi xavfsizlik hududi o‘rnida savdo faoliyati bilan shug‘ullanib kelayotgan norozi tadbirkorlardan murojaat yo‘llangani, unda bozorda xavfsizlik tizimi yaxshi yo‘lga qo‘yilmagani, o‘zboshimchalik bilan savdo o‘rnini tashkil qilib savdo qilayotgan savdogarlar maxsus mashinalarning yo‘lini to‘sib qo‘yganidan shikoyat” qilingan murojaatga Navoiy shahar hokimligi RASMIY MUNOSABAT bildiradi.

"Saxovat bozori” MCHJga qarashli Markaziy dehqon bozori bilan (hududidan tashqarida) Navoiy shahar "Navoiy savdo kompleksi” AJga qarashli buyum bozori o‘rtasidan o‘tgan yo‘l favqulodda holatlarda avtomashinalar tezkor harakatlanishi uchun mo‘ljallangan. Bugungi kunda tadbirkorlar tomonidan qo‘lbola usulda savdo rastalari o‘rnatilib, noqonuniy ravishda savdo faoliyatini amalga oshirib kelmoqda.

Bundan tashqari, ushbu yo‘lakda tadbirkorlik subyektlarining ruxsat guvohnomasida faoliyat turi bilan savdo qiladigan mahsulot turlari va savdoni amalga oshirish manzili boshqa joy etib belgilangan bo‘lsada, savdo qilayotganligi hamda savdo yakunida chiqindi mahsulotlarini joylariga tashlab ketib, hududda antisanitar holatni keltirib chiqarmoqda.

Yuqoridagilardan kelib chiqib, mazkur joy favqulodda holatlarda avtomashinalarning tezkor harakatlanishi yo‘li ekanligini inobatga olib, ushbu hududda noqonuniy ravishda savdo faoliyatini amalga oshirayotgan tadbirkorlarga savdo faoliyatini amalga oshirish maqsadga muvofiq emasligi to‘g‘risida kunlik targ‘ibot-tashviqot ishlari olib borilmoqda.

Bugungi kunda ushbu tadbirkorlarni ko‘chirish maqsadida "Navoiy sado kompleksi” AJ hududidan 120 taga yaqin savdo rastalari tayyorlanayotganligi ma'lum qilinadi.