Аввал хабар қилганимиздек, мустақиллигимизнинг 23 йиллиги арафасида пойтахтимиз Тошкент шаҳрида Ўзбекистон Республикаси Олий Мажлиси Сенатининг ўн бешинчи ялпи мажлиси бўлиб ўтган эди.

Ялпи мажлисда маъқулланган қонунлар ва қарорлар, Президент фармон ва қарорлари ҳамда ҳукумат қарорларининг мазмун моҳиятини аҳолига етказиш мақсадида жойларда Сенат аъзолари томонидан учрашувлар ўтказилмоқда.

Ана шундай учрашувлардан бири Навоий давлат педагогика институтида бўлиб ўтди. Уни  шаҳар ҳокими Неъматилло Ахатов бошқаиб борди.

Халқ депутатлари вилоят ва шаҳар Кенгашлари депутатлари, доимий комиссиялари раислари, маҳаллалар фаоллари, институт ўқитувчи ва талабалари таклиф этилган тадбирда Ўзбекистон Республикаси Олий Мажлиси Сенатининг Қонунчилик ва суд-ҳуқуқ масалалари қўмитаси раиси вазифасини бажарувчи Эркин Рўзметов иштирок этиб, ялпи мажлисда қабул қилинган янги қонунлар, қарорлар мазмун моҳияти ҳақида батафсил сўзлаб берди.

Бугунги учрашувда Сенат томонидан маъқулланган қонунлар ижтимоий-сиёсий, суд-ҳуқуқ соҳаларидаги демократик ислоҳотларни яуқурлаштиришда алоҳида аҳамиятга эга эканлиги кўрсатиб ўтилди,-дейди шаҳар Кенгаши депутатати Рустам Арзиев.-Хусусан, “Ўзбекистон Ресубликасининг айрим қонун ҳужжатларига ўзгартиш ва қўшимчалар қиритиш тўғрисида”ги Ўзбекистон Республикаси қонунида сайлов қонунчилигини, ахборот-кммуникация соҳаси, жиноят, жиноят-процессуал қонун ҳужжатлари амал қилишининг ҳуқуқий асосларини, атроф-муҳитни муҳофаза қилиш ва табиий ресурслардан оқилона фойдаланишни ҳуқуқий тартибга солишни янада такомиллаштириш назарда тутилган.

Тадбир давомида иштирокчилар ўзларини қизиқтирган барча саволларга атрофлича жавоб олдилар.