ЯРМАРКАДА АРЗОН ВА СИФАТЛИ МАҲСУЛОТЛАР

Вилоятимиз марказидаги “Саховат” бозори масъулияти чекланган жамияти жамоаси 2014-2015 йилги қиш мавсуми учун қишлоқ хўжалик маҳсулотларининг мустаҳкам захирасини яратди. Айни пайтда бу маҳсулотлар шаҳардаги корхона, ташкилот ва муассасаларда ташкил этилаётган савдо ярмаркаларида нисбатан арзон нархларда сотилаяпти.

– Бизнинг 7-умумий ўрта таълим мактабимизда ҳам ярмарка ташкил этилганлиги айни муддао бўлди, – дейди илм даргоҳининг рус тили фани ўқитувчиси Сурия Жуманазарова. – Ундан ўқитувчи ва техник ходимларимиз қиш фасли учун сифатли полиз ва дуккакли экинлар, картошка, сабзи, пиёз, шолғом сингари деҳқончилик маҳсулотларини қулай нархларда харид қилиб, қишга ғамлаб олишди. Бунинг учун ташкилотчилардан миннатдормиз. 

“Ғарбгазтаъминот” унитар корхонасининг Навоий шаҳар филиали томонидан ҳам шаҳарликлар учун шундай ярмаркалар ташкил этилди.