Сана муносабати билан Навоий шаҳар Бандликка кўмаклашиш ва аҳолини ижтимоий муҳофаза қилиш марказида байрам тадбири ўтказилди.

ҲУРМАТ, ЭҲТИРОМНИНГ ЁРҚИН ИФОДАСИ

40 нафардан зиёд ногиронлар ҳамда меҳнат фахрийлари иштирок этган тадбирда байрам дастурхони ёзилиб, уларга совғалар, жумладан, сиҳатгоҳга йўлланмалар улашилди. 

– Ижтимоий ҳимояга муҳтож фуқароларни қўллаб-қувватлаш, ғамхўрлик кўрсатиш мақсадида марказ томонидан кенг кўламдаги ишлар амалга оширилмоқда, – дейди марказнинг ижтимоий муҳофаза қилиш бўлими бошлиғи Отабек Алиев. – Жорий йилнинг 9 ойи мобайнида жами 211 нафар пенсионер ва ногиронларга, жумладан 103 нафар ногирон нафақахўрлар ва 108 нафар ёшга доир пенсионерларга соғликларини тиклаш учун сиҳатгоҳларга йўлланмалар ажратилди. Марказимизда рўйхатга олинган барча якка-ёлғиз пенсионер ва ногиронлар ўз вақтида тиббий кўрикдан ўтказилиб, байрамлар арафасида уларнинг ҳолидан хабар олиниб, моддий ёрдам кўрсатилмоқда.

– Байрам муносабати билан менга ва набирам Фируза Рашидовага Қаттақўрғон туманидаги “Марварид” сиҳатгоҳига иккита йўлланма беришди, – дейди иккинчи гуруҳ ногирони Ойшаҳар Ғаниева. – Бу соғлигимизни тиклаш учун яхши имконият бўлди. 

Кўрсатилаётган ғамхўрлик ва меҳр-мурувватдан мамнун бўлган тадбир қатнашчилари бир пиёла чой устида дилдан суҳбат қуришди. 

Маърифат ШАРИПОВА