ИШЛОВЧИ ПЕНСИОНЕРЛАРГА ПЕНСИЯ ТЎЛАШ ТАРТИБИ

Мен ёшга доир пенсия оламан. Бир корхонага ишга таклиф қилишаяпти. Агар ишга кирсам нималарга эътибор қаратишим керак?

Б.Тўхтаев, Навоий шаҳри.

Ўзбекистон Республикаси Адлия вазирлиги томонидан 2011 йил 30 апрелда 2222-сон билан давлат рўйхатидан ўтказилган “Ишловчи пенсионерларга пенсия тўлаш тартиби тўғрисида”ги Низомга асосан ташкилот раҳбарлари пенсионер ишга қабул қилинганда, унинг яшаш жойидаги Пенсия жамғармасининг туман (шаҳар) бўлимига ҳамда пенсия тайинлаган Ўзбекистон Республикаси Мудофаа, Ички ишлар, Фавқулотда вазиятлар вазирликларига, Миллий хавфсизлик хизмати ва Давлат божхона қўмитасига 5 кунлик муддатда хабар беришлари ва ишга қабул қилинганлик тўғрисида буйруқ кўчирмасини тақдим этишлари шарт.

Ишловчи пенсионерларнинг пенсия тўловлари учун ташкилотларга ажратилган Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси маблағларининг мақсадли сарфланиши устидан назоратни Ўзбекистон Республикаси Молия вазирлиги Назорат-тафтиш бош бошқармаси ва унинг ҳудудий бошқармалари ҳамда давлат солиқ хизмати органлари олиб боради.

Ишловчи пенсионерларнинг пенсия тўловларини амалга оширишда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси маблағларининг тўғри ҳисобланиши, тўланиши ва сарфланиши устидан назорат, ташкилотларнинг раҳбарлари ва бош ҳисобчилари томонидан амалга оширилади.

Ч.НАСРУЛЛАЕВА,

Бюджетдан ташқари пенсия жамғармаси Навоий шаҳар бўлими пенсия ва нафақаларнинг 

тўлови устидан мониторинг гуруҳи мутахассиси.