ҚАДРИЯТЛАР БЕШИГИСАН, АЗИЗ МАҲАЛЛАМ!

07-12-2015 17:26 Navoiy shahri, Yangiliklar

Навоий шаҳридаги 8-сонли мусиқа ва санъат мактабида "Маҳалла – менинг тақдиримда” кўрик-танловининг шаҳар босқичи бўлиб ўтди. Унда танловнинг маҳаллалараро саралаш босқичида ғолибликни қўлга киритган "Умид”, "Лочин”, "Меъмор”, "Бунёдкор” ва "Мурувват” маҳаллаларининг "Ёшлик, "Камалак”, "Истиқлол ғунчалари”, "Бунёдкор” ва "Баркамол авлод” жамоалари иштирок этди. Жамоалар биринчи шартда "Тил билган – эл билади”, "Қадри абад анъаналар маҳаллада сайқал топади”, "Ёшларни она Ватанга муҳаббат, садоқат руҳида тарбиялашда "Оила – маҳалла – таълим муассасаси” ҳамкорлигининг аҳамияти” ва бошқа мавзуларда ўз ҳудудларида олиб борилаётган ишлар тақдимотини видеороликлар намойиши орқали кўрсатиб беришди. Шунингдек, қатнашчилар ўз маҳалласи тарихи, у ердаги миллий анъаналар бардавомлиги, ёшлар таълим-тарбияси, уларнинг соғлом, баркамол бўлиб вояга етишларида маҳалланинг тутган ўрни, эришаётган ютуқларини ҳаётий мисоллар асосида ифодалаб, томошабинлар олқишига сазовор бўлдилар. Танлов шартларини белгиланган меъёрлар асосида бажарган "Бунёдкор”, "Лочин”, "Меъмор” МФЙ жамоалари тегишли равишда биринчи-учинчи ўринларни эгаллаб, диплом ҳамда эсдалик совғалари билан тақдирланди. Биринчи ўрин соҳиблари танловнинг вилоят босқичига йўлланмани қўлга киритишди.

Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.