ДОЛЗАРБ МАСАЛАЛАР МУҲОКАМАСИ

11-03-2016 17:33 Navoiy shahri, Yangiliklar, Deputatlar kengashi

Халқ депутатлари Навоий шаҳар Кенгашининг саккизинчи сессияси бўлиб ўтди. Уни Кенгаш раиси Неъматилло Ахатов бошқариб борди. Сессияда 2015 йилда қонунийликни таъминлаш, ҳуқуқ тарғиботини мустаҳкамлаш, жиноятчиликка қарши кураш ва унинг олдини олиш борасида амалга оширилган ишлар юзасидан Навоий шаҳар прокурори Убайдулла Саъдуллаевнинг ахбороти тингланди. Кун тартибидаги иккинчи масала – Навоий шаҳар маҳаллий бюджетининг 2016 йилги параметрлари тўғрисида шаҳар молия бўлими бошлиғи вазифасини бажарувчи Санжар Низомиддинов ҳисобот берди. Ҳар иккала маърузалар бўйича бўлиб ўтган музокараларда депутатлардан Ф.Ризаев, Т.Абдураҳмонов, Ғ.Назаров ва бошқалар сўзга чиқишди. Сессияда, шунингдек, халқ депутатлари Навоий шаҳар Кенгашининг қарорини тасдиқлаш, ўрни бўшаб қолган сайлов округидан шаҳар Кенгашига сайлов ўтказиш тўғрисидаги масалалар ҳам депутатлар томонидан муҳокама қилинди. Халқ депутатлари Навоий шаҳар Кенгашининг саккизинчи сессияси кун тартибидаги барча масалалар юзасидан тегишли қарорлар қабул қилди.

Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.