МАҲАЛЛА ФУҚАРОЛАР ЙИҒИНЛАРИ ФАОЛИЯТИНИ ҚЎЛЛАБ-ҚУВВАТЛАШ – ДОЛЗАРБ ВАЗИФА » Навоий шахар хокимлиги расмий сайти » Официальный сайт хокимията г.Навои » Official site of Municipality of the city Navoi

МАҲАЛЛА ФУҚАРОЛАР ЙИҒИНЛАРИ ФАОЛИЯТИНИ ҚЎЛЛАБ-ҚУВВАТЛАШ – ДОЛЗАРБ ВАЗИФА

20-08-2016 11:02 Navoiy shahri, Yangiliklar

Жорий йилнинг 5-6 август кунлари НДПИ қошидаги 3-сонли академик лицей биносида шаҳар ҳудудида фаолият кўрсатаётган маҳалла фуқаролар йиғинларининг янги сайланган раислари малакасини ошириш мақсадида 2 кунлик ўқув-семинари ташкил этилди. Навоий шаҳар ҳокими Неъматилло Ахатов олиб борган тадбирда, шаҳар прокурори У. Саъдуллаев, ИИБ бошлиғи Ю. Эшмуродов, шаҳар бош имом-хатиби М. Раҳмонов, Маънавият тарғибот маркази раҳбари С. Очилов, ФЖШМҚМИ масъул ходимлари, "Маҳалла” хайрия жамоат фонди шаҳар бўлинмаси раиси А. Пирназаровлар иштирок этишди. – Маҳалла фуқаролар йиғинларининг янги сайланган раислари учун ташкиллаштирилган мазкур ўқув-семинари айни пайтда ўтказилди. Маҳалла фуқаролар йиғинларининг янги раислари ўз маҳаллаларида истиқомат қилаётган аҳоли қатламлари, ёшлар, хотин-қизлар, ёш оилалар ва уларни муҳофаза қилиш, доимий комиссиялар фаолияти, маънавий-маърифий тарбия масалалари борасида, ҳудудни ободонлаштиришда мазкур маҳаллалар ҳудудларида жойлашган корхона ва ташкилотлар, муассасалар раҳбарлари фаолиятини мувофиқлаштириш борасида ва қонунларда белгиланган юзлаб ўз ваколатлари доирасида олиб борилиши лозим бўлган долзарб масалалар ечимини назарий ва амалий жиҳатдан ўзлаштириб олдилар десам, муболаға бўлмайди, – дейди Навоий шаҳар "Ватан” маҳалла фуқаролар йиғинининг энг фаол раисларидан бири Хайрулло ака Нарзуллаев. – Энди биз маҳалла фуқаролар йиғинлари раислари ўқув-семинаридан олган кўникма ва билимларимизни жойларда маҳалла ҳаётига тўғридан-тўғри татбиқ этишимиз лозим”. Шунингдек, ўқув-семинарида вилоят ҳокиминининг биринчи ўринбосари Ф. Умаров, "Маҳалла” хайрия жамоат фонди вилоят бўлими бошқаруви раиси Н. Исоқовлар иштирок этдилар.

Agarda Siz maqolada xatoni uchratgan bo‘lsangiz, unda matnni belgilab, (CTRL + ENTER) tugmasini bosing va sayt administratoriga xabarnoma jo‘nating.